skemerdonker
Hoe om mure te verf as jou budget bietjie knyp | 19 November 2007
In ‘n vorige post is daar verwys na ‘n naweek in die Groot Marico waar ek baie tips oor extreme home makeovers geleer het. Hier volg ‘n japtrap manier om hierdie Desember jou huis ‘n Afrikageurtjie te gee:
Stap 1: Grawe die spesifieke kleur grond uit wat jy benodig. (Tip: Jy sal dalk ‘n paar locals moet omkoop met luukshede om die ligging van die grond te vind)
Stap 2: Tel vars beesmis op (Tip: Dit moet verkieslik van beeste wees wat net gras eet en die mis moet nog warm en sag wees)
Stap 3: Meng grond, mis en water met jou kale hande.
GESENSOR vir sensitiewe kykers
Stap 4: Smeer mildelik teen die muur. Rond af met water.
Stap 5: Was jou hande en kyk na jou muur.
|
Posted in Uncategorized
5 Kommentaar »
skemerdonker 
Oe mooi! Maar kan mens nie liewers die mure ‘verf’ met ‘n troffeltjie nie? Ek is mos heeltemal te verfynd om my hande in enige ding se mis te druk.
kommentaar deur maritasays — 20 November 2007 @ 10:45 vm
selfs al gebruik jy ‘n troffel gaan jou skoene-hare-klere-naels-als in elkgeval vol mis word.
kommentaar deur skemerdonker — 23 November 2007 @ 10:16 vm
Skemer, wanneer kom jy bietjie Kaap toe?
kommentaar deur silwerminter — 29 November 2007 @ 9:59 nm
Dit lyk my na ‘n mislike afvere …
Gelukkig was dit darem nie ‘n algehele mislukking nie …
As jy sekere dinge vermis het jy nie verf nodig nie …
Ok, genoeg stadige grappies vir vandag.
kommentaar deur silwerminter — 29 November 2007 @ 10:03 nm
Lyk vir my maar na ‘n mislike spulletjie. In hierdie geval dink ek nie ek sal die D.I.Y-roete volg nie.
kommentaar deur Mieliepit — 7 Desember 2007 @ 11:24 vm